Sekretari amerikan i Shtetit John Kerry i bëri thirrje të hënën komunitetit ndërkombëtar të punojë drejt një zgjidhjeje politike të konfliktit në Siri në vijim të bisedimeve të paqes të mbyllura në fundjavë pa asnjë progres konkret.

Kerry i bëri këto deklarata gjatë në një konference shtypi me ministrin e jashtëm indonezian Marty Natalegawa në Xhakartë.

"Komuniteti ndërkombëtar duhet të shfrytëzojë këtë pushim të bisedimeve të Gjenevës për të gjetur një zgjidhje politike," tha Kerry, duke e akuzuar qeverinë siriane se "nuk u angazhua në diskutime siç kishte premtuar dhe standardeve të nevojshme. "

Kerry arriti në Indonezi pasi vizitoi Korenë e Jugut dhe Kinën, ndërsa do të vazhdojë turneun e tij në Abu Dhabi. (Leftion Peristeri)