Kina u bëri thirrje të hënën palëve ndërluftuese në Siri për të mbështetur përpjekjet për ndërmjetësim të të dërguarit të posaçëm Lakhdar Brahimi, dhe për të vazhduar negociatat.

Zëdhënësja e Ministrisë së Jashtme Hua Chunying tha se negociatat e Gjenevës janë një proces i vazhdueshëm, i cili kërkon që qeveria e Sirisë dhe opozita të ndërtojnë gradualisht besimin dhe për të gjetur një zgjidhje për mosmarrëveshjet e tyre.

"Ne nuk mund të presim të gjitha problemet të zgjidhen nga një ose dy konferenca," shtoi ajo.

Raundi i dytë i konferencës 'Gjeneva II' përfundoi të shtunën pa rezultate konkrete, ndërsa një raund i tretë thuhet se u ra dakord.

Kina i bëri thirrje gjithashtu komunitetit ndërkombëtar të bëjë më shumë për të promovuar negociatat dhe për të krijuar një mjedis të favorshëm, shtoi zëdhënësja. (Leftion Peristeri)