Filmi me regji të Diao Yinan, tregon historinë e një detektivi në ndjekje të një vrasësi në seri. Ndërkohë aktori protagonist, Liaon Fan në rolin e detektivit u vlerësua si aktori më i mirë dhe fitoi "Ariun e argjendtë".
"E konsideroj si një dhuratë këtë film. Nuk isha i sigurtë për çmimin, por regjizori realizoi ëndrrën time. Dje ishte një ditë e lumtur, ndërsa sot erdhi kjo surprizë e këndëshme", ka deklaruar aktori Liao pas marrjes së çmimit.
"Black coal, Thin ice" ishte një nga 20 filmat konkurrues për çmimin prestigjioz të festivalit "Ariu i artë". Juria nderoi me "Ariun e argjendtë" filmin amerikan "The Grand Budapest Hotel", me regji të Wes Anderson, ndërsa si aktorja më e mirë u vlerësua japonezja Haru Kuroki, në filmin "The Little House".
Amerikani Richard Linklater fitoi "Ariun e argjendtë" si regjizori më i mirë, për filmin "Boyhood",i xhiruar për afro 12 vjet. Të tjera çmime të "Ariut të argjendtë", iu dhanë operatorit kinez Zeng Jian për "Kontributin e shquar", për filmin "Blind Massage", ndërsa çmimi "Alfred Bauer " iu dha regjizorit francez Alain Resnais për filmin "Life of Riley".
(Eda Merepeza)
