Zv.ministri i Jashtëm i Sirisë, Faisal Mekdad theksoi të mërkurën se vendi i tij është i vendosur për të zbatuar plotësisht marrëveshjet e nënshkruara me Kombet e Bashkuara dhe Organizatën për Ndalimin e Armëve Kimike (OPCW), në lidhje me eleminimin e armëve kimike, raportoi agjencia shtetërore e lajmeve "SANA".

Mekdad nënvizoi vështirësitë me të cilat përballet zbatimi i marrëveshjes për armët kimike, që vendi i tij nënshkroi me OPCW-në rreth fundit të vitit të kaluar.

Komentet e Mekdad erdhën pasi SHBA-ja fajësoi qeverinë siriane për progresin e ngadaltë lidhur me zhdukjen e armëve kimike, duke i bërë thirrje Damaskut të marrë "masat e nevojshme" për të përshpejtuar procesin. (Albana)