Gazeta kineze, "Guangming Ribao" e datës 22 janar, i referohet një website amerikan me emrin "AVAAZ", i cili ka zhvilluar një peticion në mbështetje të tibetianëve, që sipas website-t " keqtrajtohen nëse nuk përdorin flamurin kombëtar të Kinës". Gazeta thekson se kjo është një propagandë false dhe një sulm dashakeq ndaj reformës demokratike dhe të drejtat e njeriut në Tibet të Kinës.

Siç raporton gazeta, shkrimtari francez Maxime Vivas ka publikuar një letër nëpërmjet internetit më 26 nëntor të vitit 2013, ku dënon website-n "AVAAZ".

Vivas thekson në letrën e tij se, "synimi i peticionit është të shkaktojë një konflikt tjetër". Shkrimtari francez nënvizon se Kina nuk e dorëzon rajonin autonom të Tibetit. "Artikujt tuaj bazohen në lajme të pavërteta dhe në mashtrime", i drejtohet Vivas website-t amerikan. "Ju pretendoni se do të "shpëtoni Tibetin", por tibetianët kurrë nuk kanë jetuar më mirë se sot, kurse gjuha tibetiane sot përdoret në mësimdhënie dhe kudo", shkruan në letrën e publikuar në internet shkrimtari francez Maxime Vivas.