Numri i refugjatëve sirianë në Liban ka arritur në më shumë se 880 mijë, sipas raportit të fundit të Komisariatit të Lartë për Refugjatët të Kombeve të Bashkuara (UNHCR).

Në raportin e vet të përjavshëm, UNHCR-ja shprehet se ka regjistruar më shumë se 9 700 refugjatë sirianë në Liban gjatë javës së kaluar, gjë që e çon numrin e përgjithshëm të tyre në 880 063, 828 953 nga të cilët janë regjistruar, ndërsa 51 110 janë ende duke pritur përfundimin e procesit të regjistrimit.

Vlerësimet e fundit të UNHCR-së tregonin se numri i sirianëve që janë zhvendosur në vendet fqinje i ka kaluar dy milionët, duke theksuar se Libani është pritësi i shumicës prej tyre.

Libani ka bërë thirrje të përsëritura për ndihmë për lehtësimin e barrës së refugjatëve, për të cilën thotë se nuk mund ta përballojë më i vetëm. (Artani)