Zëdhënësja e Programit Botëror të Ushqimit të OKB-së Elisabeth Byrs tha të martën gjatë një konference shtypi se kriza në Siri ka shkaktuar mungesa në ushqim për 6.5 milionë sirianë .

Byrs tha se, "ofrimi i ndihmës për 4.25 milionë banorë dhe 2.9 milionë refugjatët sirianë në vendet fqinje, është sfida më e madhe dhe detyra më urgjente për ne."

Ajo shtoi se, Programi Botëror i Ushqimit duhet të mbledhë shifrën prej 35 milionë dollarësh çdo javë, ndryshe nuk plotësohet kërkesa ushqimore për Sirinë. Me përshkallëzimin e konfliktit në Siri, në vitin 2014 është vlerësuar se duhen edhe 2 miliardë dollarë për ndihmë ushqimore.

Në muajt e kaluar, Programi Botëror i Ushqimit është përpjekur të ofrojë ndihmë për disa rajone në Siri, por pa sukses.(Zhan Dian)