Në listën e destinacioneve turistike botërore për vitin 2014, gazeta amerikane "New York Times" e rendit Shqipërinë në vendin e katërt. "Vendi, me sipërfaqe sa Merilendi, mes Greqise dhe Malit te Zi ndodhet rreth 45 milje në lindje të Italisë, në brigjet lindore të Adriatikut ku ka plazhe me gurë gëlqerorë, rrënoja antike si Butrinti dhe bujtina përballë detit, ku mund të qëndroni me më pak se 50 dollarë nata", theksohet në artikull.

Lista e destinacioneve për vitin 2014 nis me Cape Town të Afrikës së Jugut, në vendin e dytë renditet Christchurch në Zelandën e Re dhe në të tretin Bregdeti Verior i Kalifornisë. Shqipëria le pas vende europiane si Gjermania, Zvicra, Austria, Holanda, Suedia apo fqinjët si Greqia, Kroacia dhe Serbia.

Në Kinë gazeta rekomandon vizitën në Xishuangbanna në provincën Yunnan të Kinës Jugperëdimore. (Eda Merepeza)