Zv.ministri i Jashtëm i Shqipërisë Sokol Dervishaj dhe ambasadori i Norvegjisë në Shqipëri Jan Braathu thanë të martën se të dy vendet janë të gatshme për të intensifikuar më tej marrëdhëniet dypalëshe.

Në një takim mes tyre, Dervishaj përshëndeti praninë e gjigantëve norvegjezë të naftës "Statkraft" dhe "Statoil" në Shqipëri dhe bëri thirrje për zgjerim të bashkëpunimit në sektorë të tjerë, siç janë bujqësia dhe turizmi.

Numri dy i diplomacisë shqiptare tha se Shqipëria ka marrë shumë masa për të plotësuar kriteret e nevojshme për të marrë statusin e vendit kandidat për në BE, duke shtuar se marrja e statusit do të ishte inkurajuese për përparimin e reformave dhe do të ndihmonte në bashkëpunimin dhe sigurinë rajonale.

Shqipëria dhe Norvegjia nuk janë anëtare të Bashkimit Evropian, por janë partnere brenda NATO-s. (Artani)