Kryeministri i Rusisë Dimitri Medvedev tha se vendi i tij është i gatshëm të punojë me shtetet e tjera anëtare të Organizatës së Bashkëpunimit të Shangait (OBSh) për të ruajtur paqen dhe stabilitetin në Afganistan.

Medvedevi i bëri këto komente në takimin e 12-të të kryeministrave të Organizatës së Bashkëpunimit të Shangait të mbajtur të premten në kryeqytetin e Uzbekistanit Tashkent.

Kreu i qeverisë ruse u bëri thirrje të gjitha shteteve anëtare të OBSh-së që të bëjnë përpjekje për ta ndihmuar Afganistanin, duke e shprehur se Moska do të japë ndihmë të gjithanshme.

Medvedevi u shpreh gjithashtu se situata ndërkombëtare nuk është e qetë, por vuri në dukje se ka pasur disa arritje. Ai e quajti marrëveshjen e arritur për programin bërthamor të Iranit si një hap pozitiv. (Artani)