Kryeministri kinez Li Keqiang ishte i pranishëm në samitin e liderëve të Kinës dhe vendeve të Europës Qendrore e Lindore, që u zhvillua në Bukuresht të Rumanisë nga datat 25 deri më 28 nëntor.
Komuniteti ndërkombëtar dhe politikanë të ndryshëm janë të mendimit se forcimi i bashkëpunimit midis Kinës dhe vendeve të Europës Qendrore e Lindore nuk është vetëm në dobi të dy palëve, por edhe në dobi të marrëdhënieve të partneritetit strategjik Kinë-Europë.
Presidenti i Rumanisë Traian Basescu e cilësoi këtë takim si "një shans" për Rumaninë. Ai tha se forcimi i bashkëpunimit midis Kinës dhe vendeve të Europës Qendrore e Lindore është një nxitje e fuqishme për marrëdhëniet strategjike Kinë-Europë.
"Albanian Daily News" publikoi të martën një artikull me titull "Pranvera e bashkëpunimit midis Shqipërisë dhe Kinës", ku vlerëson se ky samit do t'i sjellë Shqipërisë më shumë mundësi dhe shanse financimi. Potenciali i thellimit të bashkëpunimit midis dy vendeve është i madh.
Në një artikull të BBC-së shkruhet se Kina është në fazën e rritjes së shpejtë të investimeve të huaja dhe progresi i gjithanshëm në marrëdhëniet me Europën është një shans i madh për vendet e Europës Qendrore e Lindore.(Zhan Dian/Albana)