Liderët pjesëmarrës në samit ranë dakord se bashkëpunimi me Kinën ofron zhvillim për to, duke kontribuar direkt për investimet, tregtinë, financat, transportin, mbrojtjen e mjedisit dhe novacionin teknologjik.
Vëzhguesit ndërkombëtarë thonë se zhvillimi ekonomik i Kinës mund të sjellë përfitime për mbarë botën. Ndërkohë, në samitin e Bukureshtit pati konsensus për bashkuar interesat dhe për të ndarë eksperiencën e Kinës me vendet e Europës Qendrore dhe Lindore.
Në një artikull të shkruar dhe të publikuar nga shumë media të rajonit, kryeministri kinez Li Keqiang, thotë se vendet e këtij rajoni kanë pësuar ndryshime në strukturën e tyre ekonomike, çka ka sjellë freskimin tërësor të marrëdhënieve dypalëshe me Pekinin.
Kina është e hapur për të nxitur bashkëpunimin që ka në themel barazinë dhe respektin në trajtimin e marrëdhënieve ndërkombëtare. (Leftion Peristeri)
