Pas takimit në Bukuresht me homologun Ponta, kryeministri i Shqipërisë, Edi Rama vlerësoi shembullin e qeverisjes rumune, që provoi se kriza ekonomike mund të përballohej.

"Kryeministri rumun po na provon se kriza ekonomike është e mundur të përballohet duke lehtësuar jetesën e njerëzve në vështirësi ekonomike dhe duke krijuar rritje që mund të forcojë ekonominë e vendit. Në të njëjtën kohë, Rumania mbetet një shembull përsa i takon rrugës që bëri drejt Bashkimit Evropian'', deklaroi Rama.

Rama nënvizoi se ishte i kënaqur që kishte privilegjin të përfaqësonte Shqipërinë si kryeministër në një eveniment të tillë shumëpalësh duke iu referuar samitit të kryeministrave nga Evropa Juglindore dhe Qendrore dhe të Kinës, që u zhvillua në Bukuresht. (Nga "Balkanweb")