Viti 2014 do të përcaktohet si viti i promovimit të investimeve dhe të tregtisë midis Kinës dhe vendeve të Europës Qendrore dhe Lindore, deklaroi Li në ceremoninë e hapjes së forumit ekonomik që po mbahet në Bukuresht.
Sipas një dokumenti udhëzues, brenda pesë vjetëve të ardhshëm do të dyfishohet vëllimi i tregtisë dypalëshe, gjithashtu do të inkurajohen ndërmarrjet e vogla dhe të mesme për të luajtur një rol aktiv në bashkëpunimin ekonomik dhe tregtar.
Liderët premtuan mbështetje për ndërmarrjet e vogla dhe të mesme për të forcuar bashkëpunimin në teknologjinë e gjelbër.
Të dy palët vendosën gjithashtu për promovimin e tregtisë në bujqësi, duke njoftuar mbështetjen për krijimin e një shoqate të përbashkët.
Për bashkëpunimin financiar, udhëheqësit kinezë dhe ata të Europës Qendrore dhe Lindore u zotuan për të forcuar koordinimin, inkurajojnë institucionet e tyre financiare për të përdorur 10 miliardë dollarë, një kredi e posaçme e qeverisë kineze për të rritur tregtinë dhe bashkëpunimin ekonomik në mes dy palëve.
Kina dhe vendet e Europës Qendrore dhe Lindore po kërkojnë bashkëpunim më të mirë për ndërtimin e infrastrukturës, përfshirë edhe ndërtimin e hekurudhës ndërkombëtare, sipas dokumentit udhëzues të përbashkët të lëshuar nga liderët e vendeve përkatëse.
Sipas udhëzuesit, të dy palët do të diskutojnë për ndërtimin e hekurudhës ndërkombëtare që do të lidhë Kinën me këtë vende.
Duke njoftuar projektin të hënën, Li tha se përdorimin i teknologjisë kineze është një tren i ri global që lidhet me cilësinë e lartë dhe çmimin e ulët.
Ndërkohë, Kina dhe vendet e Europës Qendrore dhe Lindore do të thellojnë bashkëpunimin për ndërtimin e autostradave, porteve dhe aeroporteve, si edhe do të përkrahin thellimin e Federatës së Biznesit për të mbështetur këto projekte. (Leftion Peristeri)
