Kryeministri kinez Li Keqiang u takua të hënën pasdite në Bukuresht me kryeministrin hungarez Orban Viktor dhe atë serb Ivica Daçiç. Në një konferencë shtypi pas takimeve, të tre kryeministrat shpallën se Kina do të marrë pjesë në projektin e ndërtimit të hekurudhës së shpejtësisë së lartë që do të lidhë Hungarinë me Serbinë.
Sipas njoftimit, kjo linjë hekurudhore do të lidhë kryeqytetin serb Beograd me atë hungarez Budapest. Të tre palët do të formojnë një grup të përbashkët pune për zbatimin e këtij projekti. Kryeministri Li u shpreh se hekurudha Beograd-Budapest është një projekt simbolik në bashkëpunimin midis Kinës dhe Europës Qendrore dhe Lindore. Pas Reformës dhe Hapjes, Kina ka ndërtuar shumë linja hekurudhore, duke zotëruar përvojë të pasur dhe teknologji e pajisje të përparuara. Përveç këtyre, projekti i ofruar nga pala kineze ka epërsi të dukshme nga ana e kostos. (Xu Guang/Artani)