Bashkimi Europian shprehu zhgënjim pasi Ukraina pezulloi bisedimet për Marrëveshjen e Asocim Stabilizimit. Ministri i Jashtëm lituanez, vendi i të cilit mban edhe presidencën të BE-së, Linas Linkevicius shtoi se pritet një shpjegim nga Kievi për këtë vendim.

Më herët parlamenti ukrainas votoi kundër mjekimit të lirederes së opozitës Julia Timoshenko jashtë vendit, ndërsa pezulloi bisedimet me Brukselin për Marrëveshjen e Asocim Stabilizimit dhe bashkëpunimin dypalësh politik dhe tregtar.

"Lidhjet mes BE-së dhe Ukrainës nuk do të përfundojnë, pavarësisht se çfarë vendimi përfundimtar do të marrë qeveria. Ukraina ende do të jetë një vend i rëndësishëm ndër partnerët e BE-së në Europën Lindore," tha Linkevicius.

Në fund të nëntorit, në Lituani do të zhvillohet samiti i partnerëve të BE-së në Europën Lindore. Fokusi i samitit do të jetë nënshkrimi i Marrëveshjes së Asocim Stabilizimit mes Kievit dhe Brukselit. (Jiang Lei/Leftion Peristeri)