Mediat italiane njoftuan të enjten se manjati kinez Wang Jianlin mund të investojë në klubin e Serisë A "Roma". Por deri tani ky lajm nuk është konfirmuar nga asnjëra prej palëve të interesuara.

Gazeta "Il Sole 24 Ore" njofton që një biznesmen kinez ka shfaqur dëshirën për të hedhur para në klubin "Roma" dhe se ai është presidenti i Grupit "Wanda" Wang Jianlin, që renditet i pari në listën e njerëzve më të pasur në Kinë të "Forbes"-it.

Grupit "Wanda" Wang Jianlin

Tani 78 % e aksioneve të "Romës" zotërohet nga "Neep Roma Holding", një sipërmarrje me investime të përbashkëta amerikane dhe italiane.

Roma

"Deri tani nuk kemi marrë asnjë vendim. Në gjendjen e tanishme, investimet nuk janë strategjike, por jemi të gatshëm të shqyrtojmë çdo rast të favorshëm," deklaroi Banka "Unicredit", që është një nga pronarët e klubit. (Jiang Lei/Artani)