Presidenti i Kinës Xi Jinping u takua në Pekin me presidentin e Këshillit të Evropës Herman Von Rompuy dhe kreun e Komisionit Evropian Jose Manuel Barroso, në prag të takimit të 16-të të liderëve kino-evropianë, që mbahet më 21 nëntor.

Gjatë takimeve presidenti Xi Jinping theksoi se Kina dhe Evropa duhet të shtojnë dialogun, besimin e ndërsjelltë, të forcojnë komunikimin mbi çështjet e rëndësishme botërore, të ruajnë paqen dhe stabilitetin. Dëshirojmë që në Evropë të krijohet një mjedis sa më i mirë për investimet kineze, tha kreu i shtetit Xi Jinping.

Nga ana e tyre zyrtarët e lartë evropianë shprehën përkrahjen për reformën e gjithanshme të ndërmarrë nga Kina. Zhvillimi i Kinës është i rëndësishëm për Evropën. Kina dhe Europa kanë një ëndërr të përbashkët për të realizuar paqen, drejtësinë dhe mirëqenien, ndaj duhet të përkrahim dhe ndihmojmë njeri-tjetrin në rrugën e zhvillimit, theksuan Ropmuy dhe Barroso.(Fang Xiaoyu/Eda Merepeza)