Sekretari amerikan i Shtetit John Kerry u shpreh të hënën se ai nuk ka një vizion të qartë për raundin e ri të bisedimeve bërthamore që do të zhvillohen mes Iranit dhe 6 vendeve (SHBA, Britani,Francë, Rusi, Kinë dhe Gjermani) në Gjenevë.

Gjashtë vendet që marrin pjesë në bisedime kërkojnë që Irani të pezullojë disa programe bërthamore për të marrë në këmbim zbutjen e sanksioneve nga vendet perëndimore dhe për të arritur një marrëveshje të gjithanshme nëpërmjet dialogut.

Të dyja palët në bisedime nuk arritën një marrëveshje në dialogun që u zhvillua më 7 deri 9 nëntor në Gjenevë. Të dyja palët ranë dakord të vazhdojnë bisedimet më 20 nëntor. (Jiang Lei/Leftion Peristeri)