Parku Kombëtar Arkeologjik i Apolonisë, një destinacion i rëndësishëm turistik dhe historik në Shqipëri, do të marrë një fond prej 750 mijë eurosh nga Komuniteti Europian, sipas raportimeve të ATA-s të hënën.

Drejtori i Muzeut, Admirim Xhela sqaron se përfaqësuesit dhe specialistët e Parkut Kombëtar Arkeologjik dhe përfaqësuesit e Këshillit Kombëtar të Restaurimit do të vendosin së bashku për hollësitë e përdorimit të këtij fondi.

Një nga objektet që pritet të restaurohet është Portiku i Apolonisë, i dëmtuar disa vite më parë nga rrëshqitja e dheut. Në Portikun, i cili u ndërtuar në shekullin e IV pas Krishtit janë të vendosura një koleksion shtatoresh të njerëzve të shquar dhe heronjve të kohës. (Albana)