Bilanci i atentatit të dyfishtë me bombë pranë ambasadës së Iranit në Bejrut ka arritur në 23 të vrarë dhe 146 të plagosur, njoftojnë burime nga ministria libaneze e shëndetësisë.

Sipas agjencisë shtetërore të lajmeve NNA, numri i viktimave të shpërthimit pritet të rritet. Agjencia e lajmeve kishte njoftuar më parë se shpërthimet u shkaktuan nga dy kamikaze. Ndërsa një burim i forcave të sigurisë ka deklaruar se sasia e eksplozivit të përdorur gjatë shpërthimit duhet të jetë rreth 100 kg TNT.

Sipas televizionit "Al Mayadeen", ekipet e mbrojtjes civile po punojnë për të nxjerrë të mbijetuarit nga zjarri që përfshiu godinat përreth, pas shpërthimit. Kryeministri i Libanit Najib Mikati u takua me ambasadorin e Iranit Ghadanfar Roknabadi, të cilit i shprehu ngushëllime për viktimat. (Eda Merepeza)