Universiteti Tsinghua i Kinës bëri të ditur të dielën që pajisja e përcaktimit sasior të proteinës Hsp90α për zbulimin e kancerit, e krijuar nga profesori i këtij universiteti Luo Yongzhang dhe grupi i tij, ka kaluar provën klinike dhe ka marrë certifikatën e pajisjeve mjekësore të Kinës dhe certifikatën përkatëse mjekësore të BE-së.

Nëpërmjet vetëm një pike gjaku të pacientit, kjo pajisje mund të zbulojë gjendjen e sëmundjes dhe të përmirësojë vlerësimin e efektit të mjekimit të atyre që vuajnë nga kanceri. Këto informacione mund të ndihmojnë në trajtimin e individualizuar të sëmundjes.

Provat klinike kanë vërtetuar se Hsp90α është një simptomë e kancerit të mushkërive. Përveç kësaj, së shpejti pritet të përfundojnë provat klinike mbi lidhjet e saj me tumoret në mëlçi, gji, pankreas, stomak etj. (Xu Guang/Artani)