Kryetari i Organizatës Atomike të Iranit Salehi dhe sekretari i përgjithshëm i Agjencisë Atomike Ndërkombëtare(AAN)Yukiya Amano nënshkruan një marrëveshje për planin e bashkëpunimit në sektorin bërthamor. Me anë të marrëveshjes, punonjësit e AAN-së lejohen të kontrollojnë një pjesë të pajisjeve bërthamore. Ndërsa Irani, nga ana e tij, pranon që punonjësit e AAN-së të kontrollojnë reaktorin e ujit të rëndë dhe minierat në Arak Gachin në portin Abbas, por nuk cilësohet baza ushtarake Parchin.

Salehi tha se nënshkrimi i marrëveshjes dëshmon gatishmërinë e Iranit për qartësimin e komunitetit ndërkombëtar lidhur me pajisjet bërthamore të tij . Në të njejtën ditë Irani dhe Anglia rivendosën marrëdhëniet diplomatike, të ndërprera prej 2 vitesh. Qeveritë angleze dhe iraniane kanë emëruar të ngarkuarit me punë në të dy vendet. Ndërkohë, sekretari amerikan i shtetit Kerry theksoi në Abu Dhabi se Irani nuk pranon reagimet e 6 vendeve për problemin bërthamor, ndaj ShBA-ja do të vazhdojë sanksionet kundër tij. Sipas sekretarit amerikan të shtetit, paijsjet bërthamore të Iranit përbëjnë një kërcënim ndaj rajonit, përfshirë dhe Izraelin.(Çang Çuo/Eda Merepeza)