Presidenti amerikan Barak Obama telefonoi të premten kryeministrin izraelit Benjamin Netanjahu për të diskutuar mbi negociatat për programin bërthamor iranian.

Shtëpia e Bardhë njoftoi se Obama informoi Netanjahun mbi bisedimet e Gjenevës e përsëriti angazhimin e tij për të ndaluar Iranin që të zhvillojë armë bërthamore.

Fuqitë botërore janë duke shqyrtuar propozimet për lehtësimin e sanksioneve ndaj Iranit në këmbim të hapave konkretë për ndalimin e aktiviteteve atomike.

Netanjahu më herët deklaroi se nëse pranohet një marrëveshje me Teheranin me këto kushte, ky do të ishte një gabim historik. (Ardi Pulaj)