Një plan emergjent ka nisur zbatimin në Taiyuan, kryeqendrën e provincës kineze Shanxi, kundër ndotjes së mjedisit.
Kopshtet e fëmijve, shkollat fillore e të mesme, si dhe disa fabrika industriale do të mbyllen përkohësisht pas lëshimit të alarmit mbi ndotjen e mjedisit, njoftuan të hënën autoritetet në Taiyuan.
Të gjitha fabrikat që shkaktojnë ndotje me përjashtim të atyre që prodhojnë energji, ngrohje dhe ushqim, do të pezullojnë përkohësisht aktivitetin e tyre.
Ky plan pritet të reduktojë dëmet e shkaktuara tek shëndeti i banorëve si pasojë e nivelit të lartë të ndotjes, tha Song Li, një prej zyrtarëve të mjedisit që ndihmoi në hartimin e këtij plani.
Taiyuan, së bashku me shumë qytete të tjera në provincën Shanxi, mbështeten tek industria e qymyrgurit, një sektor shtyllë ky në rajon për një numër dekadash.
Indeksi i cilësisë së ajrit mbi 300 është përcaktuar si "ndotje serioze" në sistemin e vlerësimit të cilësisë së ajrit në Kinë. (Albana)