Kryeministri kinez Li Keqiang u bëri thirrje ekspertëve dhe sipërmarrësve të mbështesin qeverinë në vlerësimin e situatës ekonomike për përmirësimin e politikëbërjes. Pavarësisht situatës së ndërlikuar ndërkombëtare dhe vendase, ekonomia kineze ka treguar qëndrueshmëri, tha Li në një takim pune. Disa nga rezultatet pozitive lidhen me aftësinë e ekspertëve dhe përpjekjet e sipërmarrësve për të përmbushur ndryshimet e tregut, deklaroi kryeministri .

Gjatë 9 mujorit të parë të vitit, prodhimi i brendshëm bruto (PPB) në Kinë u rrit 7.7%, duke tejkaluar objektivin prej 7.5% të qeverisë për mbarë vitin.

Kina ka ende hapësirë për reforma, tha kryeministri, duke shtuar se ato janë rrugëzgjidhja për problemet, që prekin zhvillimin ekonomik dhe shoqërior.

Një perspektivë afatgjatë e rritjes së qëndrueshme ka rëndësi të veçantë për sipërmarrjen, investitorët dhe shoqërinë, nënvizoi kreu i qeverisë kineze, duke u bërë thirrje ekspertëve dhe sipërmarrësve për mbështetje.

Sesioni i tretë plenar i legjislaturës së 18-të të KQ të Partisë Komuniste të Kinës, që do të mbahet në 9-12 nëntor, pritet të shpalosë një paketë të gjithanshme reformash. (Eda Merepeza)