"Shtatë Zotat e Fatit", një film me skenar dhe regji të kineastit indian Jamil Dehlavi-t, fitoi të premten "Çmimin e filmit më të mirë" në edicionin e 11-të të Festivalit Ndërkombëtar të Filmit të Tiranës.

Çmimi për regjinë më të mirë iu tha regjisorit grek Thanos Anastopoulos për filmin "Bija". Çmimi për skenarin më të mirë i shkoi prodhimit spanjoll "Fëmijët e portit". Çmimin e publikut e mori Bekim Guxi, ndërsa si aktorja më e mirë u përzgjodh Sabina Limani.

"Çmimi i karrierës" iu dha Endri Kekos (pas vdekjes)​​, teksa regjisori italian Simone Salvemini, një nga pjesëmarrësit dhe fituesit e parë të Festivalit të Filmit të Tiranës, mori çmimin për dokumentarin e shkurtër më të mirë.

Festivali Ndërkombëtar i Filmit i Tiranës ka nisur në vitin 2003 dhe është i vetmi festival ndërkombëtar filmi në Shqipëri. (Artani)