Li Keqiang: Të çlirohet vitaliteti i tregut
Kryeministri i Kinës Li Keqiang theksoi të premten në një telekonferencë të mbajtur në Pekin se reforma e qeverisë duhet të zhvillohet siç duhet dhe të çlirohet vitaliteti i tregut, për t'i shërbyer sa më mirë popullit. Z. Li tha se transformimi i funksioneve të pushtetit vendor dhe reforma institucionale janë pjesë të rëndësishme përbërëse të reformës së sistemit administrativ dhe do të ndihmojnë në rregullimin e marrëdhënieve midis shtetit dhe tregut, qeverisë dhe shoqërisë, pushtetit qendror dhe atij vendor etj. Në këtë mënyrë do të sigurohet transmetimi më i mirë i urdhrave të qeverisë qendrore dhe do të sigurohet bashkërendimi i pushtetit qendror dhe atij vendor, duke përmirësuar funksionimin dhe efektivitetin e punës qeverisëse. Kjo ka rëndësi të madhe për të nxitur krijueshmërinë e tregut e të shoqërisë, si edhe për ristrukturimin dhe përmirësimin e sektorëve të ndryshëm. (Vera/Artani)