Faza e parë e një projekti gazifikimi ka përfunduar në Kinën Veriore dhe do të fillojë furnizimin e Pekinit me gaz duke filluar nga fundi i vitit. Ndërkohë Li Zhichun, drejtoi i parkut industrial të riciklimit në qytetin Chifeng të Mongolisë së Brendshme, konfirmon se provat kanë qenë të suksesshme.

Li i tha agjencisë Xinhua se tani është nën ndërtim një segment tjetër prej 100 km që përfundon në Prekin.

Gjatë fazës së parë të projektit mund të prodhohen 1.33 miliardë metra kub gaz, ndërsa pas përfundimit të të tre fazave të projektit të gazifikimit kapaciteti prodhues do të rritet në 4 miliardë metra kub në vit. Dy segmentet e tjera të gazsjellësit do të përfundojnë brenda vitit të ardhshëm.

Projekti ka filluar në gusht të vitit 2009, me një vlerë investimi prej 25.7 miliardë juanë (4.2 miliardë dollarë amerikanë). (Leftion Peristeri)