Siria ka paraqitur një plan të përgjithshëm për shkatërrimin e armëve të saj kimike, teksa vijojnë përgatitjet për konferencën e dytë ndërkombëtare të Gjenevës.

Por ndërsa qeveria siriane ka treguar shenja bashkëpunimi për çështjen e armëve kimike, një pjesë e opozitës po mendon ta bojkotojë raundin e dytë të bisedimeve ndërkombëtare të paqes. 19 grupe opozitare u shprehën në një deklaratë të përbashkët të tyre të shtunën se nuk pranojnë të marrin pjesë në konferencën e Gjenevës. Pjesëmarrja në takimin ndërkombëtar mbi Sirinë nuk do të ishte një zgjedhje e popullit sirian dhe Konferenca e dytë e Gjenevës do të jetë një tjetër komplot që synon përfundimin e revolucionit, thuhet në deklaratë. (Artani)