Koordinatorja e posaçme e misionit të përbashkët të Organizatës për Parandalimin e Armëve Kimike dhe OKB-së mbi problemin e armëve kimike të Sirisë Sigrid Kaag deklaroi të martën se qeveria sirane ka ofruar bashkëpunim të plotë për procesin e shkatërrimit të armëve kimike.

Sipas Kaag-ut, koha për shkatërrimin e armëve kimike të Sirisë në gjysmën e parë të vitit 2014 është shumë e shkurtër, por deri tani qeveria sirane kanë dhënë përkrahje të plotë për misionin e posaçëm të OKB-së.

Po të martën, zv.përfaqësuesi i përhershëm i Kinës në OKB, ambasadori Wang Min, vuri në dukje se puna e shkatërrimit të armëve kimike të Sirisë duhet të zhvillohet paralelisht me gjetjen e zgjidhjes politike për krizën në këtë vend. Ming kërkoi të nxitet zhvillimi sa më shpejt i Konferencës së dytë Ndërkombëtare të Gjenevës mbi problemin sirian. Ai tha se pala kineze është e gatshme të marrë pjesë aktivisht në këtë konferencë. (Fang Xiaoyu/Artani)