Presidenti sirian Bashar al-Assad tha se nuk ka ndonjë datë të saktë apo ndonjë sukses të arritur për mbajtjen e konferencës së dytë të Gjenevës.

"Nuk ka ndonjë datë për momentin apo ndonjë faktor që do ta bënte të suksesshme konferencën," tha ai.

Duke folur plot vetësiguri, Assad tha se nuk dihet se cila pjesë e opozitës do të paraqitet në konferencë.

Ai shtoi se Siria nuk ka asnjë problem për të marrë pjesë në konferencë, e cila pritet që të ulë në bisedime qeverinë dhe opozitën për të arritur një zgjidhje politike.

"Nëse përfundon mbështetja financiare dhe me armatim e rebelëve, atëherë nuk do të kishte asnjë problem për të zgjidhur krizën," tha Assad. (Leftion Peristeri)