Grupi i ekspertëve i Organizatës për Ndalimin e Armëve Kimike që merret me shkatërrimin e tyre në Siri, deklaroi të premten se deri tani, ky hetuar vendndodhjen e 14 arsenaleve të armatimit.

Numri i ekspertëve që punojnë në këtë grup ka arritur në afro 60, ndërsa tani po verifikohen informacionet e paraqitura nga Damasku.

Agjencia siriane e Lajmeve raportoi se ekspertët hetuan vendndodhjen e arsenaleve kimike, duke çmontuar disa instalime të prodhimit dhe transportit.

Faza e parë e punës ka përfunduar, ndërsa gjatë fazës së dytë do të bëhet çmontimi dhe shkatërrimi i armëve kimike dhe instalimeve përkatëse. Sekretari i Organizatës për Ndalimin e Armëve Kimike tha se eliminimi i armëve kimike brenda territorit sirian para mesit të vitit tjetër do të jetë i mundshëm nëse palët koordinojnë veprimet e tyre. (Jiang Lei/Leftion Peristeri)