Dita e parë e bisedimeve në Gjenevë për çështjen bërthamore të Iranit përfundoi të martën. Bisedimet pritet të vijojnë edhe të mërkurën.

Pas bisedimeve Michael Mann, zëdhënësi i shefes për Politikë të Jashtme të BE-së, Catherine Ashton-it tha nëpërmjet një deklarate se "palët kanë zhvilluar për herë të parë diskutime teknike".

Negociatat dyditore ndërmjet zyrtarëve të lartë të Iranit dhe 6 fuqive botërore ku bëjnë pjesë SHBA-ja, Britania e Madhe, Franca, Rusia, Kina dhe Gjermania nisën të martën në Gjenevë dhe bëhen për gjetjen e një zgjidhjeje gjithëpërfshirëse për çështjen bërthamore të Iranit. (Xu Guang/Albana)