Kryeministri Li Keqiang tha të hënën se vendi i tij dhe Vietnami kanë mençurinë e duhur për të zgjidhur mosmarrëveshjet dypalëshe në rrugën e duhur.

Të dy vendet gëzojnë një miqësi të thellë dhe zhvillimi i tyre përbën shans të përbashkët, tha kryeministri Li gjatë takimit me presidentin vietnamez Truong Tan Sang.

Ai nënvizoi se gjatë vizitës arriti marrëveshje të rëndësishme, më kryesorja sipas tij, është nxitja e bashkëpunimit në çështjet detare, tokësore dhe financiare.

Kina është e gatshme të punojnë më Vietnamin për të nxitur marrëdheniet dypalëshe në një nivel strategjik.

Presidenti vietnamez Truong Tan Sang, theksoi se vendi i tij u kushton rëndësi të madhe marrëdhënieve me Kinën dhe është i gatshëm për t'i ngritur marrëdhëniet dypalëshe në nivel partneriteti strategjik. (Leftion Peristeri)