Komiteti Ndërkombëtar i Kryqit të Kuq bëri të ditur të dielën në një komunikatë se gjashtë punonjës të kësaj organizate dhe një vullnetar i Gjysmëhënës së Kuqe u rrëmbyen po atë ditë nga persona të armatosur të paidentifikuar në Sirinë Veriperëndimore.

Një përfaqësues i Kryqit të Kuq në Siri u bëri thirrje personave të armatosur të lirojnë pa kushte shtatë punonjësit e rrëmbyer. Ai vuri në dukje se, pas shpërthimit të luftës në Siri, Komiteti Ndërkombëtar i Kryqit të Kuq dhe Gjysmëhëna e Kuqe nuk i kanë ndërprerë asnjëherë veprimet e ndihmës humanitare në këtë vend. (Xu Guang/Artani)