Sekretari amerikan i shtetit John Kerry deklaroi në Londër se po shtohen mundësitë për zgjidhjen diplomatike të programit bërthamor të Iranit.

Kerry, gjatë një fjalimi në konferëncën për politikat e sigurisë, tha se gjatë bisedimeve mbi problemin bërthamor të Iranit, duhet të merret parasysh edhe shqetësimi i Izraelit për sigurinë e tij. Ai shtoi se Irani duhet të mbajë premtimet e të garantojë siguri e transperencë.

SHBA-ja, Britania e Madhe, Franca, Rusia, Kina dhe Gjermania do të zhvillojnë raundin e ri të bisedimeve me Teheranin në Gjenevë të martën e të mërkurën.

Presidenti iranian Hassan Rouhani deklaroi së fundi para Asamblesë së Përgjithshme të OKB-së, se vendi i tij kërkon që palët të jenë konstruktive gjatë negociatave dhe premtoi se programi bërthamor është vetëm për qëllime paqësore. (Zhan Dian)