Kryetari i Asamblesë Parlamentare të vendeve të NATO-s, Hugh Bayley deklaroi të premten se kriza në Siri duhet të zgjidhet sa më shpejt dhe shtetet që mbështesin rezolutën e Këshillit të Sigurimit të OKB-së për armët kimike duhet të mbajnë premtimet, për të garantuar zbatimin e dokumentit e për të nxitur zgjidhjen politike të problemit.

Bayley i bëri këto deklarata në sesionin e rradhës të Asamblesë Parlamentare të vendeve të NATO-s, që u zhvillua në Kroaci.

Ai kërkoi krijimin e kushteve të përshtatshme për fazën e dytë të bisedimeve në Gjenevë dhe për zgjidhjen politike të krizës në Siri.

Ndërsa sekretari i përgjithshëm i NATO-s Anders Fogh Rasmussen tha se shpreson që vendet anëtare të vazhdojnë mbështetjen e operacioneve në Afganistan. Ai shtoi se megjithëse gjendja ekonomike është serioze, Asambleja Parlamentare duhet t'i kushtojë më shumë rëndësi shpenzimeve ushtarake. (Jiang Lei)