Presidenti kinez Xi Jinping tha se Kina do të dëshironte të punonte së bashku me Rusinë për të garantuar sigurinë dhe stabilitetin në rajonin e Azisë dhe të Paqësorit.

Ndërsa takohej me homologun rus Vladimir Putin, Xi tha se Kina dhe Rusia ndajnë së bashku një gamë të gjerë interesash në rajon.

Nga ana e tij presidenti Putin, tha se marrëdhëniet midis Rusisë dhe Kinës gëzojnë një stad të mirë, shoqëruar nga vizita të shpeshta liderësh, rritje të bashkëpunimit tregtar dhe ushtarak.

Të dyja palët kanë ruajtur një bashkëpunim efektiv, tha Putin.

Putin nënvizoi se është i gatshëm të ruajë shkëmbimet direkt me presidentin Xi, për të thelluar bashkëpunimin praktik në disa fusha, përfshirë atë të gazit dhe infrastrukturës. (Leftion Peristeri)