Udhëheqësit botërorë duhet të japin propozime të reja për bisedimet e ardhshme bërthamore në Gjenevë, njoftoi Agjencia e Lajmeve "ISNA" të dielën.

Ministri i Jashtëm i Iranit Mohammad-Javad Zarif tha se "propozimet e mëparshme i përkasin historisë dhe se duhet të ngrihen propozime të reja."

Gjashtë vendet, Britania, Kina, Franca, Rusia, SHBA-ja dhe Gjermania --u takuan dy herë me Iranin në Almaty, në shkurt dhe në prill. Fuqitë e mëdha i kërkuan Iranit të pezullojë të gjitha veprimet që kanë të bëjnë me pasurimin e uraniumit si dhe të mbyllë centralin bërthamor "Fordow".

Në këmbim të kësaj ata ofruan lehtësimin e sanksioneve të Iranit mbi industrinë petrokimike dhe tregtinë e tij për metalet e çmuara. Megjithatë, Irani nuk e pranoi propozimin, duke kërkuar heqjen e plotë të sanksioneve.

Irani këmbëngul se programi i tij bërthamor bëhet për qëllime paqësore, megjithatë Perëndimi ka dyshime. (Albana)