Presidenti kinez Xi Jinping u shpreh të premten në kryeqytetin e Malajzisë Kuala-Lumpur se Pekini është i gatshëm të punojë me palën malajziane për të pasur arritje më të mëdha në bashkëpunimin dypalësh.

Marrëdhëniet Kinë-Malajzi kanë një rëndësi të madhe për të dyja palët, u shpreh Xi në takimin me kreun suprem të shtetit të Malajzisë Abdul Halim Muadzam Shah, duke shtuar se, me thellimin e globalizimit ekonomik, fatet e të dy vendeve janë të lidhura edhe më ngushtë.

Kina, theksoi presidenti Xi, është e gatshme të bëjë përpjekje të përbashkëta me Malajzinë për t'i çuar përpara marrëdhëniet dypalëshe, për të siguruar zhvillimin e përbashkët dhe për të sjellë më shumë përfitime për të dy popujt.

Kreu suprem i shtetit i Malajzisë Abdul Halim Muadzam Shah  u shpreh nga ana e tij se vizita e presidentit Xi do ta ngrejë bashkëpunimin miqësor midis dy vendeve në një nivel më të lartë dhe do të hapë një kapitull të ri në marrëdhëniet dypalëshe. (Artani)