Qeveria portugeze shpalli të enjten se Komisioni Europian, Banka Qendrore Europiane dhe Fondi Monetar Ndërkombëtar (Trojka) kanë rënë dakord që të ofrojnë një fond ndihme me vlerë 5.5 miliardë euro.

Ekspertët e Trojka-s mbërritën në Lisbonë më 16 shtator, duke filluar vlerësimet mbi projektin e ndihmës për këtë vend në krizë.

Në maj të vitit 2011, Portugalia dhe Trojka ranë dakord për një fond me vlerë totale prej 78 miliardë eurosh. Deri tani, Portugalia ka marrë 67.3 miliardë euro.

Për të marrë fonde ndihmëse, Portugalia ka ndërmarrë një sërë masash shtrënguese fiskale, duke nisur me reformat ekonomike. Kohët e fundit, statistikat kanë treguar se ekonomia në këtë vend ka hyrë në rrugën e rimëkëmbjes. (Jiang Lei/Albana)