Shtetet e Bashkuara dhe Koreja e Jugut nënshkruan një pakt të ri për të penguar përdorimin e mundshëm të armëve bërthamore dhe armë të tjera të shkatërrimit në masë nga Koreja e Veriut, pas kërcënimeve në rritje nga Peniani.

Nënshkrimi i marrëveshjes u bë gjatë Konferencës së 45-të dypalëshe të Sigurisë, në Seul.

"Me shqetësim të veçantë janë programet bërthamore dhe aktivitetet e raketave balistike të Koresë së Veriut, si dhe përhapja e armëve kimike," tha Sekretari amerikan i Mbrojtjes Chuck Hagel gjatë një konference të përbashkët për shtyp me homologun nga Koreja e Jugut, Kim Kwan-jin.

"Nëse ndeshim shenja të përdorimit të armëve bërthamore nga Peniani, ushtria e Koresë së Jugut dhe të SHBA-së do të bashkojnë forcat detare, tokësore e ajrore, për të parandaluar çdo sulm," tha Hagel, duke shtuar se pakti përfshin strehë nga sulmet bërthamore, armët e zakonshme dhe sistemit të mbrojtjes nga raketat.

Koreja e Jugut dhe SHBA-ja mund t'i përgjigjen së bashku kërcënimit bërthamor të Penianit, tha ministri i Mbrojtjes i Koresë së Jugut, Kim Kwan-jin. (Zhan Dian/Leftion Peristeri)