Komandanti i Gardës Revolucionare të Iranit (GRI) tha të hënën se "heqja e plotë sanksioneve" dhe "njohja e të drejtave bërthamore të Iranit" janë ndër parakushtet për normalizimin e lidhjeve me ShBA-në.

Në një intervistë për agjencinë e lajmeve "Tasnim", gjeneralmajor Mohammad Ali Jafari e quajti "gabim" bisedën e fundit telefonike të presidentit iranian Hasan Ruhani me homologun e tij amerikan Barak Obama, para se ShBA-ja të jepte sinjale konkrete lidhur me marrëdhëniet dypalëshe.

Të premten, Ruhani zhvilloi një bisedë të shkurtër telefonike me Obamën mbi çështjen bërthamore të Iranit, e cila u përshëndet nga shumica e iranianëve brenda dhe jashtë vendit. (Artani)