Ministri i Tregtisë i Kinës Gao Hucheng tha se krijimi i Zonës së Tregtisë së Lirë pilot të Shangait ka për qëllim të thellojë në mënyrë të gjithanshme reformën, të zgjerojë më tej hapjen ndaj botës, të realizojë inovacionin e sistemit, të kërkojë rrugë të reja dhe të grumbullojë përvojë të mëtejshme.
Ndër 36 kompanitë e licensuara, 11 janë me investime të përbashkëta kineze e të huaja ose vetëm të huaja. Këto kompani do të zhvillojnë biznesin e tyre në fushën e financave, të tregtisë, të kulturës, të komunikacionit, të biznesit elektronik ndërkufitar etj.
Po të dielën, Komisioni Rregullator i Letrave me Vlerë i Kinës, Komisioni Rregullator i Sigurimeve i Kinës, Komisioni Rregullator Bankar i Kinës e institucione të tjera publikuan politikat e tyre përkatëse për të përkrahur dhe për të nxitur zhvillimin e Zonës së Tregtisë së Lirë pilot. (Du/Artani)
