Përfaqësuesit e pesë vendeve anëtare të përhershme të Këshillit të Sigurimit plus Gjermaninë zhvilluan bisedime të enjten në selinë e OKB-së në Nju-Jork me ministrin e Jashtëm iranian Mohammad Zarif.

Pas takimit, ministrat e jashtëm të Britanisë e Gjermanisë Uilliam Hag dhe Guido Vestervele, si edhe Përfaqësuesja e Lartë e BE-së për Politikën e Jashtme dhe të Sigurimit Katrin Ashton, u shprehën njëzëri se bisedimet u zhvilluan në një atmosferë pozitive. Por, sipas tyre, faza e tanishme synon vetëm hedhjen e bazave dhe krijimin e një kornize. Bisedimet konkrete do të nisin në mesin e tetorit në Gjenevë.

Ministri i Jashtëm iranian Mohammad Zarif u shpreh nga e tij se bisedimet ishin konstruktive dhe se ai është i kënaqur me këtë hap të parë. Lidhur me sanksionet ndërkombëtare, Zarif tha se ato do të luajnë vetëm një rol të përkundërt me objektivin fillestar të tyre.

(Çan Jean/Artani)