E ashtuquajtura "Troika" do të takohet këtë javë në Madrid me përfaqësuesit e qeverisë spanjolle dhe të Bankës së Spanjës për të diskutuar mbi reformën e sistemit financiar dhe paketën e shpëtimit, raportuan të hënën mediet lokale.

Konkluzionet e kësaj vizite"Troika" do t'i paraqesë më 30 shtator, ndërkohë që raporti përfundimtar do të publikohet në nëntor, i cili do të vendosë nëse sistemit bankar të Spanjës do t'i nevojitet më shumë ndihmë financiare ose jo.

Ky vendim do të merret në takimin e Eurogrupit më 15 nëntor.

Qeveria spanjolle tha se Spanja nuk ka nevojë për një fond shtesë. Më 10 korrik "Troika" tha se bankat e Spanjës nuk kanë nevojë për ndihma shtesë financiare dhe se ajo ka përmbushur kushtet e kërkuara nga paketa e shpëtimit. (Albana)