Kryeministri kinez Li Keqiang e telefonoi të hënën kancelaren gjermane Angela Merkel për ta uruar për rizgjedhjen.

Z. Li i shprehu homologes gjermane urime për fitoren e koalicionit të drejtuar prej saj. "Kina vlerëson lart rolin aktiv të Gjermanisë në nxitjen e zgjidhjes së mosmarrëveshjeve tregtare kino-europiane. Nisur nga një këndvështrim strategjik, qeveria kineze i kushton vëmendje të madhe zhvillimit të marrëdhënieve me palën gjermane. Dëshirojmë që, si një vend i rëndësishëm anëtar i Bashkimit Europian, Gjermania të vazhdojë të punojë për forcimin e marrëdhënieve Europë-Kinë," tha kryeministri kinez Li Keqiang.

Kancelarja gjermane Angela Merkel e falënderoi kryeministrin kinez për urimet. Ajo tha se Gjermania është e gatshme të punojë bashkë me palën kineze për të ruajtur nivelin e lartë të marrëdhënieve mes dy vendeve dhe për të forcuar bashkëpunimin dypalësh në fusha të ndryshme.

(Çan Jean/Artani)