Në hollin kryesor të hotelit "Rogner" në Tiranë do të serviren për rreth një javë të gjitha llojet e kafesë që mund të gjenden në tregun shqiptar.

Në panairin, i cili do të zgjasë deri më 29 shtator, që është edhe Dita Ndërkombëtare e Kafesë, do të ofrohen markat e ndryshme të kafesë.

Publiku do të ketë mundësinë të shijojë shumllojshmërinë e mishelave, të provojë kokteilet më në trend me bazë kafeje dhe gjithashtu të ndjekë ekzibicione nga barmenë me famë botërore që do të eksperimentojnë me shijet dhe ngjyrat.

Në cermeoninë e mbylljes së panairit do të organizohet një festë speciale me muzikë live, kompeticion midis barmenëve për kokteilin më të mirë dhe do të ofrohen gatime speciale. (Ora News)