Greqia është përfshirë nga protestat, që pasuan një sërë demonstratash anti-fashiste mes grupeve të majta dhe të djathës ekstreme pranë portit të Pireut. Si pasojë e përleshjeve mes dy grupeve humbi jetën aktivisti i të majtës ekstreme, muzikanti 34 vjeçar Pavlos Fyssas, vdekja e të cilit shkaktoi protesta të mijëra demonstruesve. Protestuesit qëlluan me gurë dhe shishe me benzinë në drejtim të stacionit policor në Keratsini, ndërsa forcat policore përdorën gazin lotsjellës kundër tyre.
Sipas policisë, si pasojë e protestave janë shkaktuar dëme materiale në banka dhe dyqane, por nuk ka pasur të lënduar. Ndërsa media vendase njofton se kryetari i Partisë së majtë të pavarur Panos Kammenos është sulmuar nga një grup protestuesisht. Demonstrata janë zhvilluar dhe në qytetin port të Selanikut si dhe në disa qytete të tjera greke.
Ndërkohë liderët politikë kanë dënuar dhunën dhe i kanë bërë thirrje qeverisë konsvervatore të ashpërsojë ligjet ndaj atyre që kryejnë të tilla akte. (Eda Merepeza)